«ՀՀ-ում ՌԴ դեսպանը թող վեր կենա, գնա Լաչին, իրենց պետությունն է խայտառակվում». Վիգեն Խաչատրյան
Այսօր ԱԺ արտահերթ նիստում՝ Բերձորի ճանապարհը փակ լինելու խնդրի առնչությամբ հրավիրված արտահերթ նիստում «Քաղաքացիական պայմանագիր» խմբակցության պատգամավոր Վիգեն Խաչատրյանը հայտարարեց, թե արդյո՞ք ճիշտ չի լինի, որպեսզի ՌԴ-ից ուղղակի պահանջեն, որ կատարի իր պարտավորությունները։
«Մարդիկ ստորագրել են, պարտավորություն ունեն, միջազգային մեր գործընկերներին ոչ թե կոչ անենք, այլ խնդրենք, որ մասնակցեն։ Այն, որ Ռուսաստանը չի անում, հավանաբար մենք պետք է անենք, եթե Ռուսաստանը չի կարողանում, պիտի խնդրի մյուսներին։ Լավ չեմ հասկանում, եթե, օրինակ, Միացյալ Նահանգների դեսպանատունը Բաքվում կոչ է անում վերջ տալ այդ վայրագություններին, ինձ հասկանալի չէ Ռուսաստանի դեսպանատան լուռ կեցվածքը Բաքվում։ Եվ հասկանալի չէ Երևանում ՌԴ դեսպանի պահվածքը, թող վեր կենա, գնա Լաչին, իրենց պետությունն է խայտառակվում»,- նշեց Վիգեն Խաչատրյանը։
Մանրամասները` 168.am-ի տեսանյութում
