ՄԱԳԱՏԷ-ի ղեկավարը հայտարարել է Զապորոժիեի ատոմակայանի արտաքին էներգամատակարարման վերականգնման մասին
Զապորոժիեի ատոմակայանի արտաքին էներգամատակարարումը վերականգնվել է էլեկտրացանցից անջատվելուց երկու օր անց։ Բարձրավոլտ գծերը վնասվել էին գնդակոծության պատճառով։ Այս մասին հայտարարել է Ատոմային էներգիայի միջազգային գործակալության ղեկավար Ռաֆայել Գրոսսին։
«Արտաքին էներգամատակարարումը ԶԱԷԿ-ում վերականգնվել է վերջին միջադեպի հետևանքով արտաքին էլեկտրամատակարարման հասանելիության դադարեցումից երկու օր անց, որը ցույց է տվել միջուկային անվտանգության իրավիճակի անկայունությունը Եվրոպայի ամենամեծ օբյեկտում», – ասել է նա:
ՄԱԳԱՏԷ-ի տվյալներով՝ ատոմակայանի վեց էներգաբլոկներից երկուսը ներկայում դուրս են բերվել սառը անջատման ռեժիմից։
Գրոսսին հիշեցրել է, որ բազմիցս կոչ է արել ատոմակայանի տարածքի շուրջ անվտանգության գոտի ստեղծել։
«Մենք պետք է գործենք, քանի դեռ ուշ չէ»,- ասել է ՄԱԳԱՏԵ-ի ղեկավարը։
