Կառլ Երրորդը խոստացել է հետևել Եղիսաբեթ Երկրորդի օրինակին
Մեծ Բրիտանիայի և Հյուսիսային Իռլանդիայի Միացյալ Թագավորության նոր միապետ Կառլ Երրորդը ելույթ է ունեցել ի հիշատակ Եղիզաբեթ Երկրորդ թագուհու՝ խոստանալով հետևել նրա օրինակին: Այս մասին հայտնում է «ՌԻԱ Նովոստի»-ն:
«Ես խորապես գիտակցում եմ ինքնիշխանի այս մեծ ժառանգությունը և պարտականություններն ու կարևոր պատասխանատվությունը, որոնք այժմ անցել են ինձ:
Այս պատասխանատվությունը ստանձնելով, ես կձգտեմ հետևել Եղիսաբեթ Երկրորդի այս ոգեշնչող օրինակին, որը փոխանցվել է ինձ ՝ աջակցել սահմանադրական կառավարությանը և հասնել խաղաղության, ներդաշնակության և բարգավաճման թագավորության ժողովուրդների և ողջ աշխարհի տարածքների համար»,- ասել է Կառլ Երրորդը:
Թագավորը հայտարարել է, որ Եղիսաբեթ Երկրորդը իր երկրի նկատմամբ հավերժական սիրո և անձնուրաց ծառայության օրինակ է եղել:
Դրանից հետո Կառլ Երրորդը ավանդական երդում է տվել Շոտլանդիայի Եկեղեցին պահպանելու և պաշտպանելու համար ու ստորագրել է երդման փաստաթղթի երկու օրինակ:
