Ինչպե՞ս նվազեցնել ախորժակը. պարզաբանում է բժիշկը
Բժիշկ-դիետոլոգ Լիդիա Այվազյանը ինստագրամյան իր էջում կիսվել է խորհուրդներով, որոնք կօգնեն նվազեցնել ախորժակը:
«Ինչպե՞ս նվազեցնել ախորժակը: Այս հարցը հուզում է բոլոր նրանց, ովքեր նիհարում են և լավ նորությունը այն է, որ մենք կարող ենք կառավարել քաղցի զգացումը:
Ախորժակը, այսինքն՝ ուտելու ցանկությունը, սերտորեն կապված է հիպոթալամուսի սննդային կենտրոնի և ուղեղի կիսագնդերի կեղևի գործունեության հետ:
Երբ սնունդը մարսվում է և սկսվում է ներծծումը, հորմոնալ ֆոնը և արյան կազմը փոխվում են, հագեցվածության ազդանշանները հասնում են սննդի կենտրոնին և քաղցի զգացումը նվազում է:
Այսպիսով, ինչն է մեզ օգնելու
Լավ քուն
Բոլոր ուսումնասիրությունների համաձայն՝ քնի պակասը մեծացնում է ախորժակը և նվազեցնում հագեցման հորմոնները: Կարևոր է կարգավորել քունը՝ քնելու տևողությունը և ժամանակը:
⠀
Պայքար սթրեսի դեմ
Սթրեսի հորմոն կորտիզոլը կարող է ուժեղացնել քաղցի զգացողությունը։
Գիտակցված սնունդ
Պետք է սնվել առանց հեռուստացույց, հեռախոս և դանդաղ, մանրակրկիտ ծամել սնունդը:
⠀
Ջուր
Ծարավը հաճախ շփոթում են քաղցի հետ: Միգուցե մի բաժակ ջո՞ւր խմել:
Ֆիզ. ակտիվություն
Սպորտը նվազեցնում է ուղեղի այն հատվածների ակտիվությունը, որոնք պատասխանատու են անօգուտ միջուտեստների ընդունման համար:
⠀
Փոքր ափսեներ և գդալներ, մեծ պատառաքաղներ
Հոգեբանները նկատել են, որ որքան մեծ է ափսեն և գդալը, այնքան ավելի շատ եք ուտում, իսկ մեծ պատառաքաղով հակառակը՝ սննդի չափը կրճատվում է 10%-ով:
⠀
Ինչ վերաբերում է մթերքներին
⠀
Սպիտակուցը օգնում է երկար ժամանակ հագեցած զգալ և չկորցնել մկանային զանգված քաշի կորստի ժամանակ: Սպիտակուցը պետք է կազմի սննդակարգի 20-30%-ը:
⠀
Բուսական բջջանյութի աղբյուրներն են՝ բանջարեղեն, ընկուզեղեն, ամբողջական հացահատիկներ:
⠀
Կոշտ սնունդը ավելի նախընտրելի է, քան հեղուկը։ Մինչ ծամում եք՝ հագեցման ազդանշանները հասնում են ուղեղին:
Դառը շոկոլադը արգելափակում է ախորժակը, նվազեցնում քաղցրավենիքի ցանկությունը: Դանդաղեցնում է մարսողությունը ՝ ավելի երկար հագեցած պահելով»:
Լուսանկարը՝ Pablo Merchán Montes, unsplash
