Բյուջեից 11.8 միլիարդ դրամ հատկացվեց միջպետական ճանապարհների հիմնանորոգման համար
ՀՀ կառավարությունը հուլիսի 14-ին կայացած նիստում որոշում կայացրեց ՀՀ տարածքային և ենթակառուցվածքների նախարարութանը պետական բյուջեի պահուստային ֆոնդից հատկացնել 11.8 մլրդ դրամ: Հարցը ներկայացնելիս` ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը նշեց, որ գումարը կուղղվի 2 միջպետական, 6 հանրապետական, 4 մարզային նշանակության ավտոճանապարհների հիմնանորոգմանը:
«Այս գումարի շրջանակում նախատեսված աշխատանքների վերաբերյալ նախագծանախահաշվարկային փաստաթղթերն արդեն պատրաստ են: Նախագիծը հաստատելուց հետո մենք հնարավորություն կունենանք շատ արագ սկսել շինարարական աշխատանքները»,- ասաց Վաչե Տերտերյանը:
ՀՀ վարչապետ Նիկոլ Փաշինյանը մանրամասներ ներկայացրեց, թե կոնկրետ որ ճանապարհների մասին է խոսքը՝ Մ4 միջպետական նշանակության ճանապարհի 5 կմ հատված՝ Դիլաջանի ոլորաններ, հաջորդը Մ10 միջպետական նշանակության 8.3 կմ հատվածն է: Հանրապետական նշանակության ճանապարհներից են՝ Արարատի մարզի Մասիս-Ռանչպար հատվածը, հաջորդը՝ Դաշտավան-Զորակ-Սայաթ Նովա բնակավայրերի ճանապարհը, Գեղարքունիքի մարզի Գավառ քաղաքը մայրուղուն միացնող ճանապարհահատվածը, Շիրակի մարզի Հ75 հանրապետական նշանակության ավտոճանապարհի 15.1 կմ-անոց հատված, հաջորդը՝ Երերուքի տաճար տանող հանրապետական նշանակության ավտոճանապարհի 2.7 կիլոմետրանոց հատվածը, Ստեփանավան համայնքում 8.6 կմ հատվածը, Տ9-19 Հերհեր-Կարմրաշեն մարզային նշանակության ճանապարհը, Մ5 միջպետական նշանակության ավտճոնապահից դեպի «Արմենիա միջազգային օդանավակայաններ» ՓԲԸ բեռնային համալիր տանող 1.7 կմ ճանապարհահատվածը, Սյունիքի մարզի Լծեն ավտոճանապարհը: րդ դրամ հատկացվեց միջպետական ճանապարհների հիմնանորոգման համար
