Սիս գյուղի բնակչի պայուսակից և գրպանից չորացված, մարիխուանայի նմանվող զանգվածով երեք փաթեթ է հայտնաբերվել
Ոստիկանության Մասիսի բաժնի համայնքային ոստիկանները օպերատիվ տեղեկությունն իրացրին հուլիսի 4-ի գիշերը: Ապօրինի թմրանյութ պահելու կասկածանքով Մասիսի կենտրոնական հրապարակից բաժին բերման ենթարկեցին Սիս գյուղի բնակիչ, 49-ամյա մի տղամարդու: Անձնական խուզարկությամբ նրա պայուսակից և գրպանից հայտնաբերվեց մանրացված, չորացված, մարիխուանայի նմանվող զանգվածով երեք փաթեթ:
Ըստ նրա` թմրամիջոցն իրենն է, իր օգտագործման համար, այն պատրաստել էր իր տնամերձում մշակած կանեփից:
Տղամարդը ձերբակալվել է, հանգամանքները պարզվում են:
