Չիլի կոն կարնե. մեքսիկական ավանդական շատ համեղ ուտեստ

Բաղադրիչներ

1. Տավարի ֆարշ – 500 գ

2. Սոխ – 1 հատ

3. Բուլղարական կարմիր պղպեղ – 2 հատ

4. Չիլի պղպեղ – 1 հատ

5. Տավարի արգանակ – 300 մլ

6. Կտրատված լոլիկ՝  իր հեղուկով – 400 գ

7. Կոնսերվացված կարմիր լոբի – 400 գ

8. Զիրա, կարմիր և չիլի աղացած պղպեղներ – մեկական թ/գ

9. Մայորան – 1/2 թ/գ

10. Շաքարավազ, սև պղպեղ, աղ

11. Սխտոր – 2 պճեղ

12. Տոմատի մածուկ – 50 գ

Պատրաստման եղանակը

1. Պղպեղները և սոխը խորանարդաձև կտրատել, սխտորը մանրացնել:

2. Խորը թավայի մեջ բուսայուղ տաքացնել, սոխը տապակել: Ավելացնել պղպեղը, սխտորը, աղացած չիլին, կարմիր աղացած պղպեղը և զիրան, լավ խառնել և տապակել 5 րոպե:

3. Բարձրացնել կրակը, ավելացնել ֆարշը, տապակել, մինչև շագանակագունի:

4. Երբ ֆարշն ամբողջությամբ տապակվի, ավելացնել արգանակը, լոլիկը, տոմատի մածուկը, մայորանը, շաքարավազը, աղը և պղպեղը: Լավ խառնել: Հասցնել եռման, իջեցնել կրակը, ծածկել կափարիչով և եփել 20 րոպե:

5. Ավելացնել լոբին, ծածկել կափարիչով և թողնել ցածր կրակի վրա ևս 10 րոպե: Մատուցել տաք վիճակում:

Պատրաստեց Անի Գաբուզյանը