Երասխ-Ջուլֆա-Օրդուբադ-Մեղրի-Հորադիզ երկաթգիծը սպասարկելու է ադրբեջանաթուրքական շահերը
Հունիսի 3-ին Մոսկվայում տեղի ունեցած Մհեր Գրիգորյան, Ալեքսեյ Օվերչուկ և Շահին Մուստաֆաև հանդիպման ընթացքում քննարկվել է Երասխ-Ջուլֆա-Օրդուբադ-Մեղրի-Հորադիզ երկաթգծի կառուցման հարցը: Այս մասին նշված է Ռուսաստանի կառավարության պաշտոնական հաղորդագրության մեջ։ Հստակեցվել են սահմանային, մաքսային հսկողության, Հայաստանի և Ադրբեջանի տարածքով` ճանապարհներով և երկաթգծերով, քաղաքացիների, տրանսպորտային միջոցների, բեռների անվտանգ տեղափոխման հարցեր: Երասխ-Ջուլֆա-Օրդուբադ-Մեղրի-Հորադիզ երկաթգծի կառուցման մասին պայմանավորվածությունն Ադրբեջանի նախագահի հետ ձեռք է բերվել նախորդ տարվա դեկտեմբերին Բրյուսելում տեղի ունեցած հանդիպման ընթացքում:
Երասխ-Ջուլֆա-Օրդուբադ-Մեղրի-Հորադիզ երկաթգիծը փաստորեն կառուցվելու է զրոյից: Այդ երկաթգծի՝ Հայաստանով անցնող հատվածն ունենալու է ընդամենը 45 կիլոմետր, ինչը Ռուսաստան-Ադրբեջան-Հայաստան-Նախիջևան-Թուրքիա ավելի քան 700 կմ երկարություն ունեցող երկաթգծի չնչին մասն է ու շատ ձեռնտու է Ադրբեջանին։
Ինչո՞ւ է ապաշրջափակման համար առաջինն ընտրվել հենց այս ուղղությունը, եթե կարելի էր, օրինակ, վերագործարկել Իջևան-Ղազախ երկաթգիծը, որքանո՞վ է այն ապահովագրված ռիսկերից և որքանո՞վ է ձեռնտու Հայաստանի համար: Ինչո՞ւ է Ադրբեջանի համար այդքան կարևոր Մեղրիի երկաթգիծը, ո՞րն է դրա թաքնված նպատակը:
Այս և այլ հարցերի պատասխանները փորձել ենք ստանալ Էներգետիկ և տրանսպորտային անվտանգության փորձագետ Վահե Դավթյանից:
