Ճապոնիան և ԱՄՆ-ն անօդաչու թռչող սարքեր կստեղծեն կործանիչների աջակցության համար
Ճապոնիան անօդաչու թռչող սարքեր կմշակի, որոնք կարող են աջակցել հաջորդ սերնդի կործանիչներին: Մշակումը կիրականացվի ԱՄՆ-ի հետ համատեղ՝ պաշտպանական ոլորտում տեխնիկական համագործակցության շրջանակներում, հաղորդում է ճապոնական Նիկեյ թերթը։
Անօդաչու սարքերը տեղեկություններ կհավաքեն հակառակորդի ինքնաթիռների մասին, կփոխանակեն դրանք միմյանց և կառավարվող կործանիչի հետ, իսկ հրթիռներով զինված լինելու դեպքում նրանք կկարողանան կրակ արձակել:
Մինչեւ 2025 թվականը կմշակվի անօդաչու սարքի թեստային տարբերակը, իսկ 2026 թվականից Ճապոնիան կսկսի ստեղծել հիմնական տարբերակը։ Մինչեւ 2035 թվականը կսկսվի բանակի վերազինումը:
