Ֆորշը միկրոինսուլտ է տարել. երգիչը շուտով հիվանդանոցից դուրս կգրվի
ՀՀ վաստակավոր արտիստ, երգիչ, երգահան Վահան Գևորգյանն (Ֆորշ) իրեն լավ է զգում, վերականգնվում է: «Արմենպրես»-ի հետ զրույցում վստահեցրեց երգչի որդին՝ Արեգ Գևորգյանը:
«Միկրոինսուլտ է եղել, որը վախենալու չի և կանցնի՝ առանց հետքեր թողնելու»,- նշեց Արեգ Գևորգյանը:
Գևորգյանների ընտանիքին մոտ կանգնած մարդիկ «Արմենպրես»-ի հետ զրույցում մանրամասնեցին, որ արդեն մի քանի օր է՝ երգիչը հիվանդանոցում է: Երկու օրից դուրս կգրվի:
Համացանցում տեղեկություններ էին տարածվել, որ երգիչ Ֆորշը սրտի կաթվածով տեղափոխվել է Նաիրի բժշկական կենտրոն:
