Աբու Դաբիում կարգելվի պլաստիկե տոպրակների օգտագործումը

Աբու Դաբիի շրջակա միջավայրի պաշտպանության գործակալությունն արգելել է հունիսի 1-ից պլաստիկե տոպրակների օգտագործումը էմիրության տարածքում: Այս մասին հայտնում է ՏԱՍՍ-ը:

Նշված քայլն Արաբական Միացյալ Էմիրություններում 2020 թվականի մեկնարկած քաղաքականության մաս է կազմում, որի նպատակն է շրջակա միջավայրի պաշտպանությունն ու պայքարը կլիմայական փոփոխությունների դեմ:

Հաղորդվում է, որ մինչև հունիս լայնամասշտաբ քարոզչական արշավ է իրականացվելու՝ էմիրության բնակիչներին տեղեկացնելու նոր կանոնների մասին: