Ստեփանավան քաղաքում ավտոմեքենա է շրջվել․ ներսում հայտնաբերվել է վարորդի դին
Մարտի 4-ին, ժամը 15:14-ին Լոռու մարզային ճգնաժամային կառավարման կենտրոն տեղեկություն է ստացվել, որ Ստեփանավան քաղաքի կամրջի տակ՝ Ձորագետ գետի մեջ, հայտնաբերվել է շրջված ավտոմեքենա. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հատուկ տեխնիկայի օգնությամբ գետից դուրս է բերվել «Infiniti FX» մակնիշի ավտոմեքենան, որի ներսում հայտնաբերվել է վարորդ Մ. Հ.-ի (ծնված 2000 թ.) դին:
Փրկարարները վարորդի դին դուրս են բերել ավտոմեքենայից և մոտեցրել շտապօգնության ավտոմեքենային։
