Վաղաժամկետ դադարեցվեցին Երևանի ավագանու անդամ Լուսինե Մխոյանի լիազորությունները
Երևան քաղաքի ավագանու 8-րդ նստաշրջանի 1-ին նիստին ավագանու անդամների առաջարկով դադարեցվեց Լուսինե Մխոյանի ավագանու անդամի լիազորությունները։ Ավագանու 54 գրանցված անդամների 45 կողմ, 8 դեմ և 1 ձեռնպահ ձայներով որոշումն ընդունվեց:
«Իմ Քայլը» խմբակցության ղեկավար Արմեն Գալջյանը նշեց, որ նախագիծը ներկայացրել են հիմք ընդունելով այն, որ Լուսինե Մխոյանը բացակայել է ավագանու նիստերից մոտավորապես 20 անգամ. «Նշեմ, որ բացակայությունները ավելի շատ են, բայց մի մասը ունեն օբյեկտիվ պատճառներ, որոնք չենք դիտարկել նախագիծը ներկայացնելուց, հիմք ենք ընդունել բացառապես ոչ հիմնավոր բացակայությունները»,- ասաց Գալջյանը:
