Ադրբեջանի պաշտպանության նախարարը Թուրքիայում է
Թուրքական իշխանամերձ «Haber Global» լրատվական ծառայությունը հայտնում է, որ Թուրքիայի պաշտպանության նախարար Հուլուսի Աքարի հրավերով Անկարա է մեկնել Ադրբեջանի պաշտպանության նախարար Զաքիր Հասանովը: Այս մասին տեղեկացնում է ermenihaber.am-ը։
Հասանովը նախ այցելել է Աթաթուրքի դամբարան, այնուհետև հանդիպել Աքարի հետ: Ըստ կայքի տեղեկության՝ ակնկալվում է, որ նախարարները երկկողմ հարաբերություններին վերաբերող հարցերին զուգահեռ կքննարկեն նաև տարածաշրջանային խնդիրներ:
Այս համատեքստում նաև նշվում է, որ շարունակվում է Թուրքիա-Հայաստան հարաբերությունների կարգավորման գործընթացը, որի առաջին հանդիպումը տեղի է ունեցել Մոսկվայում: Ըստ այդմ՝ ակնկալվում է, որ Աքարը Մոսկվայում ընդունված որոշումների մասին տեղեկություններ կներկայացնի ադրբեջանցի գործընկերոջը:
