Ինձ չի հետաքրքրում` ես լավագույնն եմ պատմության մեջ, թե՝ ոչ. պարզապես ուրախ եմ, որ նվաճեցի այս տիտղոսը․ Նադալ
Իսպանացի թենիսիստ Ռաֆայել Նադալը 2022 թվականին Ավստրալիայի բաց առաջնությունում հաղթելուց հետո պատասխանել է հարցին, թե արդյոք իրեն մեծագույնն է համարում պատմության մեջ։
Նադալը նվաճեց 21-րդ տիտղոսը Մեծ սաղավարտների մրցաշարերում՝ սահմանելով ռեկորդ և գերազանցելով շվեյցարացի Ռոջեր Ֆեդերերի և սերբ Նովակ Ջոկովիչի նվաճումները։
«Ոչ, ես չեմ փոխել իմ տեսակետն այս թեմայի վերաբերյալ։ 21-րդ տիտղոսն առանձնահատուկ է, ես գիտեմ, թե դա ինչ է նշանակում ինձ համար, բայց ընդհանուր առմամբ ինձ չի հետաքրքրում` ես լավագույնն եմ պատմության մեջ, թե ոչ: Ես պարզապես ուրախ եմ, որ նվաճեցի այս տիտղոսը»,-ասել է իսպանցացին խաղից հետո։
Հիշեցնենք, որ մինչ այս Նադալը Մելբուռնում տիտղոսը նվաճել է միայն մեկ անգամ՝ 2009թ.:
