Գազի արդյունահանումը Ռուսաստանում 10 ամսվա ընթացքում աճել է 11,1 տոկոսով
2021 թվականի հունվար-հոկտեմբերին գազի արդյունահանման ծավալը Ռուսաստանում 11,1 տոկոսով աճել է 2020 թվականի համապատասխան ժամանակաշրջանի համեմատությամբ եւ կազմել՝ 625,67 մլրդ խորանարդ մետր: Այդ մասին վկայում է Ջերմաէներգետիկական համալիրների կենտրոնական կարգավարական վարչությունը (ՋԷՀ ԿԿՎ): Նահանջ տարվա ուղղումը նկատի է առնված:
Հոկտեմբերին Ռուսաստանում արդյունահանել են 65,81 մլրդ խորանարդ մետր գազ, ինչը 4,6 տոկոսով ավելի է 2020 թվականի հոկտեմբերի արդյունահանումից:
ՋԷՀ ԿԿՎ-ն «Գազպրոմ»-ի վերաբերյալ տվյալներ չի հրապարակում: Դրանք որպես «հաշվարկային» ներառված են «մյուս ընդերքօգտատերերի» արդյունահանման ծավալի մեջ, որոնք 2021 թվականի հունվար-հոկտեմբերին արդյունահանել են 452,02 մլրդ խորանարդ մետր գազ (հոկտեմբերին՝ 46,95 մլրդ խորանարդ մետր գազ):
Անկախ գազային խոշորագույն ընկերությունը՝ ՆՈՎԱՏԷԿ-ը, ընթացիկ տարվա տասն ամսվա ընթացքում արդյունահանել է 63,4 մլրդ խորանարդ մետր գազ (հոկտեմբերին՝ 6,3 մլրդ խորանարդ մետր գազ), հաղորդել է «Ինտերֆաքս»-ը:
