10 առանձնահատկություններ, որոնք ունեն ուժեղ մոր կողմից դաստիարակված մարդիկ
Ուժեղ կինը երբեք միայնակ չի լինում, նույնիսկ, եթե սիրում է մենակ մնալ: Չէ՞ որ ինչքան ուժեղ է կինը (և ոչ միայն կինը), այնքան ավելի շատ են մարդիկ, որոնք ուզում են լինել նրա կողքին: Իսկ երբ ուժեղ կինը երեխային է դաստիարակում, ապա նա այնպիսի որակներ է ունենում, որոնք բոլորը չէ, որ ունեն:
1. Հավատարմություն և կապվածություն ընտանիքի հետ
Երբ երեխաներին ուժեղ կանայք են դաստիարակում, նրանք մեծանում են սիրո և ուշադրության մեջ և նրանք անպայման շարունակում են այդ ավանդույթը և սովորեցնում են իրենց երեխաներին կապվածություն հարազատների նկատմամբ:
2. Կատարում է իր խոստումները
Կատարել խոստումները. դա ամենաարժանավոր որակն է, որը կարող է սովորեցնել մայրը: Դա մոր ուժեղ կամքն է, ով կատարել է իր բոլոր խոստումները՝ չնայելով ոչ մի դժվարության:
3. Չթողնել ոչ մեկին նեղացնել իրեն
Կյանքն ապացուցում է, որ կարելի է սովորեցնել շրջապատող մարդկանց հարգել Ձեզ: Ուժեղ մոր երեխաները դա սովորում են փոքր հասակից: Նրանք երբեք թույլ չեն տա ոչ մի վիրավորանք իրենց հասցեին:
4. Գիտակցումն այն բանի, որ պետք է կարողանալ բաց թողնել
Զբաղվել չսիրած աշխատանքով, հանդիպել մարդու հետ, ով ցավ է պատճառում. սրանք ուժեղ մոր կողմից դաստիարակված մարդկանց մասին չեն: Նրանք գիտեն՝ երբ է պետք ուղղակի բաց թողնել:
5. Քո գինը միայն քո մարմինը չէ
Մեր աշխարհում արտաքին գեղեցկությունը համարվում է գլխավորը հասարակության մեջ հաջողություն ունենալու համար: Սակայն ուժեղ մայրերի երեխաները գիտեն, որ իրենք պետք է սիրեն անձը և բնավորությունը: Նրանք ուշադրություն չեն դարձնում կնճիռների և այլ թերությունների վրա:
6. Իդեալական ինքնագնահատանք
Մայրն առաջին և միակ մարդն է, ով անխոս կսիրի Ձեզ: Նա ցույց է տալիս Ձեզ, թե ինչ սիրո եք արժանի: Ուժեղ մայրը կսովորեցնի Ձեզ սիրել ինքներդ Ձեզ և չհամաձայնել ավելի քչին, ինչին Դուք արժանի եք:
7. «Ոչ» ասելու կարողություն
Գրեթե բոլոր մարդիկ ուզում են, որպեսզի իրենց հարգեն և սիրեն, դրա համար հաճախ վախենում են ասել «ոչ», և դա գլխավոր սխալներից մեկն է: Բայց մարդը, ում դաստիարակել է ուժեղ մայրը, չի վախենում դրանից:
8. Ունենալ հստակ նպատակ և ձգտել հասնել դրան
Ուժեղ մայրերը ոչ միայն վստահության զգացողություն են ներշնչում, այլ նաև սովորեցնում են լինել նպատակասլաց: Շնորհիվ այս հատկությունների՝ Ձեզ մոտ կառաջանա նպատակ և ամենագլխավորը՝ ուժ՝ այդ նպատակին հասնելու համար:
9. Հեշտությամբ ընդունել սեփական սխալները
Գրեթե բոլորս ժխտել ենք, որ կոտրել ենք ծաղկամանը: Իսկ ավելի հաճախ մեղքը գցել ենք փոքր եղբոր կամ քրոջ վրա: Բայց ուժեղ մայրերը սովորեցնում են ընդունել մեղքը և պատասխան տալ կատարածի համար:
10. Սեփական պրոբլեմներն ինքնուրույն լուծելու կարողություն
Ամեն ինչ շատ հստակ է. աշխարհը չի պտտվում Ձեր շուրջը, և ոչ ոք պարտավոր չէ Ձեր տեղն ինչ-որ բան անել: Դուք պետք է սովորեք ամեն ինչ անել ինքնուրույն:
Պատրաստեց Անի Գաբուզյանը
