Ո՞ր դեպքում կարող է օտարազգին մուտք գործել Հայաստան
Եվրամիությունը որոշում է կայացրել ընդլայնել այն երկրների ցանկը, որոնց քաղաքացիները կկարողանան այցելել ԵՄ ոչ պարտադիր, ներառյալ՝ տուրիստական ուղևորություններով: Փաստաթղթում ասվում է, որ ԵՄ պետությունները կարող են սահմանները բացել այնպիսի երկրների համար, ինչպիսին են Հայաստանը, Ադրբեջանը, Բոսնիա և Հերցեգովինան, Բրունեյը, Կանադան, Հորդանանը, չճանաչված Կոսովոն, Մոլդովան, Չեռնոգորիան, Կատարը և Սաուդյան Արաբիան:
Մայիսի սկզբին Եվրոպական հանձնաժողովը, համաճարակը սկսվելուց ի վեր առաջին անգամ, ԵՄ երկրներին առաջարկեց թուլացնել մուտքի սահմանափակումները և թույլատրել Եվրոպական դեղերի գործակալության կողմից գրանցված պատվաստանյութերով պատվաստված օտարերկրյա զբոսաշրջիկների մուտքը:
Առողջապահության նախարարությունից հետաքրքրվեցինք՝ ո՞ր դեպքում կարող է Հայաստան մուտք գործել օտարազգին, պարտադիր պատվաստվա՞ծ են գալիս, թե ՊՇՌ թեստ հանձնած: ԱՆ մամլո խոսնակ Հռիփսիմե Խաչատրյանը պատասխանեց.
«Հայաստան կարող են մուտք գործել, եթե ՊՇՌ թեստի բացասական արդյունք ունեն կամ պետք է պատվաստված լինեն երկու դեղաչափով: Պատվաստումից 14 օր հետո կարող են գալ»:
