Մեսսիի համար բանակցությունները սկսված են
«Բարսելոնայի» հարձակվող Լիոնել Մեսսիի հայր ու գործակալ Խորխե Մեսսին ժամանել է Կատալոնիայի մայրաքաղաք:
«Բարսայի» նախագահ Ժոան Լապորտան պատրաստ է առաջիկա օրերին բանակցություններ սկսել ֆուտբոլիստի ներկայացուցչի հետ պայմանագրի երկարաձգման շուրջ: Լապորտան դեռ վստահ է, որ արգենտինացին կմնա «Բարսելոնայում»,- գրում է լրագրող Ֆաբրիցիո Ռոմանոն:
«Բարսելոնայի» հետ Մեսսիի գործող պայմանագիրն ավարտվում է այս ամռանը:
Ընթացիկ մրցաշրջանում Լա Լիգայի 28 խաղում ֆուտբոլիստը դարձել է 23 գոլի և 8 գոլային փոխանցման հեղինակ:
Սիրարփի Աղաբաբյան
