Պուտինն Արցախի կարգավորման հարցով Անվտանգության խորհրդի հերթական նիստն է անցկացրել
ՌԴ նախագահ Վլադիմիր Պուտինն Անվտանգության խորհրդի նիստին ներկայացրել է Նիկոլ Փաշինյանի և Իլհամ Ալիևի հետ հանդիպման և եռակողմ բանակցությունների արդյունքները, ինչպես նաև քննարկվել են ՌԴ արտաքին ու ներքին քաղաքականության ակտուալ հարցեր։ ՌԴ նախագահի պաշտոնական Kremlin.ru-ի փոխանցմամբ, ՌԴ նախագահը տեսակոնֆերանսի ռեժիմով խորհրդակցություն է անցկացրել ՌԴ Անվտանգության խորհրդի մշտական անդամների հետ:
Խորհրդակցությանը մասնակցել է ՌԴ Կառավարության ղեկավար Միխայիլ Միշուստինը, Դաշնային խորհրդի ղեկավար Վալենտինա Մատվիենկոն, Պետդումայի նախագահ Վյաչեսլավ Վոլոդինը, ԱԽ ղեկավարի տեղակալ Դմիտրի Մեդվեդևը, նախագահի աշխատակազմի ղեկավար Անտոն Վայնոն, ԱԽ քարտուղար Նիկոլայ Պատրուշևը, ՌԴ ԱԳ նախարար Սերգեյ Լավրովը, ՆԳՆ ղեկավար Վլադիմիր Կոլոկոլցևը և այլք:
