«Գամալեա» կենտրոնը կողմ է «կորոնավիրուսային անձնագրեր»-ին ներդրմանը
«Գամալեա» կենտրոնը կողմ է «կորոնավիրուսային անձնագրեր» տալու գաղափարին: Տեղեկությունը փոխանցում է «Մոսկվա 24» ռուսական պետական հեռուստաալիքը:
Ըստ հեռուստաալիքի՝ «Գամալեա» կենտրոնի տնօրեն Ալեքսանդր Գինզբուրգի կարծիքով՝ դրանք պետք է ներդնել պատվաստումների մեկնարկի հետ միաժամանակ: Նշվում է, որ Ռուսաստանի առողջապահության նախարար Միխայիլ Մուրաշկոն ավելի վաղ հայտնել էր, որ տեխնիկական տեսանկյունից նման անձնագրերի ներդնումը բարդ չի լինի:
Հիշեցնենք՝ ՌԴ առողջապահության նախարարությունն օգոստոսին գրանցել Է կորոնավիրուսի դեմ աշխարհում առաջին պատվաստանյութը, որը մշակվել է Համաճարակաբանության եւ մանրէաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ: Այն ստացել է «Սպուտնիկ V» անվանումը:
