Իգոր Խաչատուրովը դուրս է եկել ոստիկանական բաժնից
Գեներալ Յուրի Խաչատուրովի որդին՝ Իգոր Խաչատուրովը, դուրս է եկել ոստիկանական բաժնից: Տեղեկությունը 168.am-ի հետ զրույցում հայտնեց ինքը՝ Իգոր Խաչատուրովը:
Հարցին, թե ինչ հիմնավորմամբ էին Ձեզ բերման ենթարկել, նա պատասխանեց. «Ոստիկանի օրինական պահանջին չենթարկվելու համար»:
168.am-ն ավելի վաղ տեղեկացրել էր, որ վարչապետ Նիկոլ Փաշինյանի հրաժարականի պահանջով Կառավարության բակում անհնազանդության ակցիա իրականացնելիս բերման էին ենթարկել Արցախի նախագահի նախկին խորհրդական Տիգրան Աբրահամյանին, ՀԱՊԿ նախկին գլխավոր քարտուղար, գեներալ Յուրի Խաչատուրովի որդուն՝ Իգոր Խաչատուրովին, Արցախի հերոս Շահեն Մեղրյանի որդուն՝ Զինավոր Մեղրյանին:
