«Բուրևի» ցիկլոնը մոլեգնել է Շրի Լանկայի ծովեզերքին
«Բուրեւի» արեւադարձային ցիկլոնը դեկտեմբերի 2-ի երեկոյան մոլեգնել է Շրի Լանկայի արեւելյան ծովեզերքին: Դեկտեմբերի 3-ին այդ մասին հայտնել է The Times of India թերթը՝ վկայակոչելով Շրի Լանկայի օդերեւութաբանական դեպարտամենտը:
Դեպարտամենտի տվյալներով՝ ափամերձ շրջաններում քամու արագությունը հասնում է ժամում 80-ից մինչեւ 60 կիլոմետրի: Կանխատեսվում են 200 միլիմետրից ավելի տեղումներ: Իշխանությունները ծովափի շրջաններից տարահանել են 75 հազար բնակիչների, որոնց տեղավորել են ժամանակավոր բնակության 237 կենտրոններում:
Ցիկլոնի պատճառով Շրի Լանկայի հյուսիսային եւ արեւելյան նահանգներում փակ են դպրոցները եւ չեն աշխատում պետական հիմնարկությունները: Օդերեւութաբանների կանխատեսումերով՝ դեկտեմբերի 3-ին «Բուրեւին» կտեղափոխվի հյուսիս – արեւմուտք եւ դեկտեմբերի 4-ին կհասնի Հնդկաստանի հարավային ափ, հաղորդել է ՏԱՍՍ-ը:
