«Լիվերպուլ»-«Այաքս»․ ֆավորիտն ակնհա՞յտ է
Մրցաշար- Չեմպիոնների լիգա
Վայր-Էնֆիլդ
Ժամ-23։45
«Լիվերպուլ»
«Լիվերպուլը» Ամստերդամի ֆուտբոլիստների նկատմամբ հաղթանակի դեպքում ժամանակից շուտ կապահովի փլեյ-օֆֆ դուրս գալը, սակայն խմբում առաջին եզրափակչի ուղեգրի համար դեռ անհրաժեշտ կլինի մրցել «Ատալանտայի» հետ, որը զուգահեռ խաղում հյուրընկալում է դանիական «Միդտիլանդին»։
Յուրգեն Կլոպի սաները խմբային փուլը սկսեցին երեք հաղթանակով՝ հաղթելով «Այաքսին» (1:0), «Միդտիլանդին» (2: 0) և «Ատալանտային» (5:0): Առավել զարմանալի էր մեկ շաբաթ առաջ «Ատալանտայի» դեմ պատասխան խաղում (0:2) տնային ֆիասկոն․ ամբողջ խաղի ընթացքում «կարմիրները» ի վիճակի չեղան ոչ մի հարված հասցնել դարպասին:
Լիվերպուլցիների հարաբերական ճգնաժամի մասին է վկայում նաև Անգլիայի Պրեմիեր լիգայի վերջին խաղում համեստ «Բրայթոնի» հետ խաղը, երբ տանտերերը հաղթեցին մրցավարի կողմից արդեն ավելացված ժամանակին նշանակված տուգանային հարվածի հաշվին: Արդյունքում, «Լիվերպուլը» այժմ Պրեմիեր լիգայի մրցաշարային աղյուսակում «Տոտենհեմի» հետ հավասար է առաջին տեղում:
«Այաքս»
«Այաքսը» D խմբի մրցաշարային աղյուսակում երկու միավորով է հետ մնում իր ներկայիս մրցակցից և գտնվում է երկրորդ տեղում, ուստի հանդիպումը վճռորոշ կլինի ամստերդամյան ակումբի համար:
Սկսելով «Լիվերպուլից» 0:1 հաշվով տնային պարտությունից, Էրիկ Տեն Հագայի սաներն Իտալիայում հասան ոչ-ոքիի՝ 2:2, և երկու անգամ կանխատեսելիորեն հաղթեցին «Միդտիլանդին»՝ 2:1, 3:1:
Ինչ վերաբերում է ներքին առաջնությանը, ապա այստեղ ամստերդամցիները վստահորեն գլխավորում են մրցաշարերը՝ տասը խաղում տանելով 9 հաղթանակ և խփելով 42 գոլ։
«Այաքսը» շատ ավելի լավ իրավիճակում է՝ վնասվածք ստացած ֆուտբոլիստների հետ կապված: Եթե Ալեքսանդր-Առնոլդը, Վան Դայքը, Միլները, Օքսլեյդ-Չեմբերլենը, Շաքիրին չեն խաղա «Լիվերպուլում», իսկ Կիտի ու Ալկանտարայի մասնակցությունը կասկածի տակ է, ապա «Այաքսի» կազմում միայն Մուհամեդ Կուդուսը չի կարող խաղադաշտ դուրս գալ:
Վիճակագրություն
Վերջին չորս խաղերում «Լիվերպուլը» միայն մեկ հաղթանակ է տարել
«Այաքսն» անընդմեջ վեց հաղթանակների շարք ունի
Ամստերդամում կայացած առաջին դիմակայությունում «Այաքսը» պարտվեց միայն ինքնագոլի պատճառով
Սիրարփի Աղաբաբյան
