Ահազանգ. ազերները մոտենալու են Զանգելանից ու Կուբաթլուից. զորքա պետք Սյունիքի սահմանին տեղակայել. Մանաս Կարապետյան
«Քանի օրա, էլ տեղ չմնաց զանգեմ, ահազանգեմ, իրավասու պաշտոնատար անձանց գլուխը մտցնեմ, որ կանոնավոր բանակային զորքա պետք Սյունիքի սահմանային հատվածներում տեղակայել։ Ապարդյուն! Զրո արձագանք!»: Այս մասին ֆեյսբուքյան իր էջում գրառում է կատարել Մանաս Կարապետյանը: Նա նշում է, որ ստիպված ֆբ տիրույթում է փորձել խնդրին ուշադրություն սևեռել, քաջ գիտակցելով նաև, որ գրառումները թշնամին էլ է կարդում և հետևություններ անում, սակայն ինչ արած, այլ հարթակ արդյունավետ չի, քանի որ երկիրը վաղուց ֆբ-ով է կառավարվում։ Գրառման մեջ մասնավորապես ասվում է.
«Եվ այսպես, նորից խնդրին ուշադրություն հրավիրեմ, ու ներկայացնեմ հնարավոր սցենարներից երկուսը.
1) ազերները զինված զրահատեխնիկայով Զանգելանից ու Կուբաթլուից մոտենալու են կամավորների կողմից վերահսկվող էսօրվա բնագծերին, ու առաջ գան։ Որևէ կամավորական իրա ավտոմատով չի կարողանալու տանկերի կամ բէտէէռների դեմ կանգնի, ու ստիպված հետա նահանջելու՝ զիջելով բնագծերը ընդհուպ մինչև մոտակա հայկական բնակավայր։ Այդժամ գծվելուա սահմանը՝ ի հեճուկս ձեռք բերված համաձայնագրի։
2) երևի մոռացել եք արդեն սիրիայից տեղափոխված շուրջ 2000 իգիլականների մասին։ Հիշեցնեմ, որ դրանք դեռ կան, և գտնվում են սահմանի ողջ երկայնքով։ Իսկ տեղյա՞կ եք, որ իգիլը զբաղվումա նաև մարդկանց, ռազմագերիների առևտրով: Շարունակե՞մ, թե՞ հասկացաք ովքեր են առաջինը թիրախում հայտնվելու: Այո, մեր անփորձ կամավորականները, որոնց շատ փոքր մասնա ի զորու դիմակայելու դիվերսիոն հատուկ վերապատրաստված հատուկջոկատայիններին(спецназ)։
Խնդրանքս. ովքեր ունեն թեկուզ ինչ որ կապեր, որ ՊՆ որոշում կայացնողներին իրազեկեն, մի հապաղեք! Յուրաքանչյուր օրը, ժամը վճռորոշ է! Բանակը ո՞ւրա: Բանակի ռեզերվը ինչո՞ւ չի տեղակայվում: Զինտեխնիկան ինչի՞ առաջնագծում տեղակայված չի»:
