«Սասուն Միքայելյանին վիրահատել են, կյանքին վտանգ չի սպառնում». մտերիմ
Ինչպես արդեն տեղեկացրել ենք՝ Արցախում վիրավորվել է ԵԿՄ նախագահ, ԱԺ պատգամավոր Սասուն Միքայելյանը:
168.am–ը փորձեց լրացուցիչ տեղեկություններ ստանալ Սասուն Միքայելյանի առողջական վիճակի մասին նրա մտերիմներից մեկից.
«Միքայելյանն իր ջոկատով է առաջնագծում եղել, բեկորային վնասվածք է ստացել՝ մեջքի և ոտքի հատվածում, ոտքի մկանն է կտրվել: Վիրահատությունը բարեհաջող ավարտվել է, վիճակը կայուն է, կյանքին վնաս չի սպառնում»,- մեր հարցին ի պատասխան՝ ասաց Սասուն Միքայելյանի մտերիմներից մեկը:
