«Բարգավաճ Հայաստանը» չի մասնակցելու ՍԴ դատավորների ընտրությանը
ԱԺ «Բարգավաճ Հայաստան» խմբակցությունը չի մասնակցելու Սահմանադրական դատարանի դատավորների ընտրությանը: Այս մասին ԱԺ այսօրվա նիստում, թեկնածությունների հարցը քննարկելուց առաջ, հայտարարեց Նաիրա Զոհրաբյանը:
«Մենք որոշել ենք և չենք մասնակցելու Սահմանադրական դատարանի դատավորների ընտրությանը: Քանիցս ասել ենք՝ այստեղ խախտված են հստակ ընթացակարգեր»,- ասաց Զոհրաբյանը:
«Բարգավաճ Հայաստանի» և «Լուսավոր Հայաստանի» անդամները դժգոհեցին, որ թեկնածուները խմբակցությունների հետ հանդիպումներ չեն նախաձեռնել:
