Բրիտանիայի իրավաբանական դեպարտամենտի ղեկավարը պաշտոնաթող է եղել Brexit-ի պատճառով. FT
Մեծ Բրիտանիայի կառավարության իրավաբանական դեպարտամենտի ղեկավար Ջոնաթան Ջոնսը պաշտոնաթող է եղել Brexit-ի շուրջը գործարքի դրույթները վերանայելու՝ նախարարների կաբինետի հնարավոր պլաններին չհամաձայնվելու պատճառով, ործարք, որն ընկել է Միացյալ Թագավորության եւ Եվրամիության հարաբերությունների ապագա ձեւաչափի հիմքում: Սեպտեմբերի 8-ին այդ մասին հայտնել է Financial Times (FT) թերթը:
Հրատարակության հաշվարկներով՝ խոսքը վերաբերում է Բրիտանիայի կառավարության վեցերորդ բարձրաստիճան պետական ծառայողին, որը պաշտոնաթող է եղել վարչապետ Բորիս Ջոնսոնի հետ հարաբերություններում աճող լարվածության պատճառով: Իրադրությանը ծանոթ աղբյուրները թերթին հայտնել են, որ Ջոնսը «շատ դժգոհ է» նոր օրենք ընդունելու՝ կառավարության ղեկավարի որոշումից, որն իրավաբանական ուժից կզրկի Brexit-ի շուրջը գործարքի հիմնական կետերից մեկը՝ Հյուսիսային Իռլանդիայի՝ որպես Միացյալ Թագավորության մաքսային տարածության մի մասը հանդիսացող սուբյեկտի կարգավիճակի ամրագրման մասին բաժինը, որն ըստ որում պահպանում է Եվրամիության միասնական շուկայից եւ մաքսային գոտուց օգտվելու հնարավորությունը: Այն մասին, որ այդ փոփոխությունները կարող են ընդունվել, FT-ն տեղեկացրել է սեպտեմբերի 6-ին:
Եվրամիության շատ բարձրաստիճան պաշտոնյաներ քննադատել են կառավարության նման պլանները՝ նշելով, որ դա կխաթարի Մեծ Բրիտանիայի միջազգային դիրքերը, քանի որ Լոնդոնի հավաստիացումներին ոչ ոք չի վստահի:
Սեպտեմբերի 8-ին Լոնդոնում սկսվում է Մեծ Բրիտանիայի եւ Եվրամիության ապագա հարաբերությունների պայմանների շուրջը բանակցությունների նախավերջին փուլը: Այն պետք Է տեւի երեք օր, որոնց ընթացքում պատվիրակությունները եւս մի փորձ կանեն մոտեցնելու դիրքերը եւ գտնելու որրոշումներ մնացած չլուծված հարցերի վերաբերյալ: Սակայն, ինչպես խոստովանում են Լա Մանշի երկու կողմերը, սուր հակասությունները պահպանվում են, եւ այս պահին պարզություն չկա, թե ինչի հաշվին կստացվի դրանցից խուսափել:
Միացյալ Թագավորությունը Եվրամիությունից դուրս է եկել 2020 թվականի փետրվարի լույս 1-ի գիշերը՝ դուրս գալու պայմանների եռամյա բանակցություններից հետո: Բրյուսելը եւ Լոնդոնը համաձայնության են եկել մինչեւ ընթացիկ տարվա վերջն անցումային շրջանի շուրջը, որի ժամանակ Միացյալ Թագավորության վրա տարածվում են բոլոր եվրոպական նորմաները: Անցումային շրջանի ժամկետը երկարաձգել բրիտնական կողմը հրաժարվել է: Մնացած ժամանակամիջոցում Լոնդոնը եւ Բրյուսելը պետք է համաձայնեցնեն ապագա հարաբերությունների կառուցման կարգի մասին փաստաթուղթը: Եթե համաձայնագիրը, որտեղ կանխավ կորոշվեն առեւտրի նոր կանոնները, այդպես էլ չհաջողվի կնքել, կողմերը կսկսեն առեւտուր անել Առեւտրի համաշխարհային կազմակերպության (ԱՀԿ) կանոններով, հենց որ վերջանա անցումային շրջանը (2020 թվականի դեկտեմբերի 31-ին), հաղորդել է ՏԱՍՍ-ը:
