Համավարակի պայմաններում արդյոք խնդրահարույց չէ՞ նախարարի արձակուրդ գնալը. պարզաբանում է ԱՆ խոսնակը
ՀՀ վարչապետ Նիկոլ Փաշինյանի որոշմամբ՝ Արսեն Թորոսյանը մեկնել է արձակուրդ:
«1. Հայաստանի Հանրապետության առողջապահության նախարար Արսեն Թորոսյանին տրամադրել 2018-2019 թվականների աշխատանքային տարվա ամենամյա նվազագույն արձակուրդի չօգտագործված մասը և 2019-2020 թվականների աշխատանքային տարվա ամենամյա նվազագույն արձակուրդի մասը՝ 2020 թվականի օգոստոսի 31-ից սեպտեմբերի 18-ը ներառյալ:
2. Արսեն Թորոսյանի արձակուրդում գտնվելու ընթացքում Հայաստանի Հանրապետության առողջապահության նախարարին կփոխարինի Հայաստանի Հանրապետության առողջապահության նախարարի առաջին տեղակալ Անահիտ Ավանեսյանը»,- մասնավորապես ասված է որոշման մեջ:
168.am–ն ԱՆ խոսնակ Ալինա Նիկողոսյանից հետաքրքրվեց՝ երկրում ստեղծված համավարակային իրավիճակում արդյոք խնդրահարույց չէ՞ նախարարի արձակուրդ գնալը, նա պատասխանեց.
«Նախարարի որոշումը, որը վարչապետը ստորագրել է, և այսօր հրապարակվել է, այնտեղ նաև գրված է փոխարինողի անունը: Նախարարի առաջին տեղակալը շարունակելու է գործը, և, բնականաբար, կորոնավիրուսային հիվանդության պայմաններում նախարարությունն իր բնականոն աշխատանքը շարունակելու է»:
