Թոմ Հենքսին և նրա կնոջը քաղաքացիություն են նվիրել
Ամերիկացի դերասան Թոմ Հենքսը և նրա կինը՝ Ռիտա Ուիլսոնը, շքեղ նվեր են ստացել՝ Հունաստանի քաղաքացիության տեսքով: Ամուսինների անձնագրերը հանձնել է Հունաստանի վարչապետ Կրիակոս Միցոտակիսը և այդ մասին քաղաքական գործիչը հայտնել է Ինստագրամի իր էջում:
Միցոտակիսը սոցցանցի իր էջում լուսանկար է տեղադրել, որում պատկերված են Հենքսը և նրա կինը՝ ձեռքին հունական անձնագրեր:
Նշվում է, որ հոլիվուդյան դերասանի կինը հունական արմատներ ունի: Զույգը նաև տուն ունի Անտիպարոս կղզում:
Պատրաստեց Անի Գաբուզյանը
