«Մանչեսթեր Սիթի»-«Արսենալ». Պրեմիեր լիգան վերադառնում է
Մրցաշար` Անգլիայի Պրեմիեր լիգա
Մարզադաշտ` Etihad Stadium
Ժամ` 23։15
Անգլիայի Պրեմիեր լիգայի 28-րդ տուրի կենտրոնական խաղում «Մանչեսթեր Սիթին» ընդունում է «Արսենալին»։
«Մանչեսթեր Սիթի»
«Քաղաքայիները» 27 խաղային օրերից հետո վաստակել են 57 միավոր և զբաղեցնում են մրցաշարային աղյուսակի երկրորդ հորիզոնականը: «Մանչեսթեր Սիթին» վաղուց դուրս է մղվել լիգայի տիտղոսի համար մրցավազքից: Խոսեպ Գվարդիոլայի թիմն այժմ 25 միավորով զիջում է առաջատար «Լիվերպուլին»: Այնուամենայնիվ, երկրորդ դիրքը դեռ պետք է պահպանվի: Ամենամոտ հետապնդողից՝ «Լեսթերից» բացը ընդամենը չորս միավոր է:
Ընդմիջումից առաջ կայացած վերջին հանդիպումներում «Մանչեսթեր Սիթին» հարձակման մեջ խնդիրներ ուներ, ինչը բնորոշ չէ Գվարդիոլայի սաներին:
Այնուամենայնիվ, «Մանչեսթեր Սիթիի» սեփական տանը գործնականում միավորներ չի կորցնում: Նախորդ ինը տնային խաղերում թիմը պարտվել է միայն «Մանչեսթեր Յունայթեդին» (1:2) և ոչ-ոքի է խաղացել «Կրիստալ Պալասի» հետ (2:2):
Մանկունյանցիների կազմում կորուստներ չկան:
«Արսենալ»
«Զինագործները» ներկայումս լուծում են եվրոպական մրցակցության մեջ մտնելու խնդիրը: Այս պահին թիմը գտնվում է մրցաշարային աղյուսակի իններորդ տեղույմ՝ 27 հանդիպումից հետո վաստակելով 40 միավոր:
Կարանտինից առաջ վերջին հատվածը լոնդոնյան ակումբի համար բավականին լավն էր: Միկել Արտետայի սաներն անընդմեջ ութ խաղ չեն պարտվել ՝ այս ժամանակահատվածում ունենալով չորս հաղթանակ և չորս ոչ-ոքի: Պետք է նշել, որ «Արսենալը» այս ժամանակահատվածում հիմնականում խաղացել է մրցաշարային աղյուսակի ներքում գտնվող թիմերի դեմ:
Այս հատվածում մրցաշարի վերևի հատվածից թիմը կարողացավ հաղթել «Մանչեսթեր Յունայթեդին» (2:0), և խաղաղ բաժանվել «Շեֆիլդ Յունայթեդի» (1:1) և «Չելսիի» (2:2) հետ:
Ընդհանուր առմամբ, մրցաշարային աղյուսակի թոփ թիմերի դեմ հանդիպումները այս մրցաշրջանում դժվար են «Արսենալի» համար։
«Արսենալի» կազմում կբացակայի միայն Կալում Չեմբերսը։
Վիճակագրություն
- Անգլիայի Պրեմիեր լիգայի վերջին ինը տնային խաղերից յոթում «Մանչեսթեր Սիթին» հաղթել է
- Վերջին ինը տնային հանդիպումներից յոթում «քաղաքայինները» խփել են ընդամենը երկու գոլ
- Առաջնության վերջին 12 արտագնա հանդիպումներից միայն մեկում է «Արսենալը» հաղթել
- Վերջին վեց խաղում անընդմեջ «Մանչեսթեր Սիթին» հաղթել է «Արսենալին»՝ տարբեր մրցաշարերում
«Մանչեսթեր Սիթիի» համար «Արսենալը» վերջին տարիներին հարմար մրցակից է: Վերջին վեց հանդիպումներում «քաղաքայինները» պարբերաբար երկու-երեք գնդակ են ուղարկում մրցակցի դարպասը։
Սիրարփի Աղաբաբյան
