««Բարսան» պետք է հաղթի բոլոր խաղերը, եթե ուզում է չեմպիոն դառնալ»․ Սետյեն
«Բարսելոնայի» գլխավոր մարզիչ Կիկե Սետյենը խոսել է Լա լիգայում մրցաշրջանի վերսկսման մասին։
«Մեզ կպահանջվի ևս մեկ շաբաթ լավ մարզավիճակում լինելու համար: Բայց թիմը լավ աշխատանք է կատարում:
Կարծում ենք, որ մենք պետք է հաղթենք մնացած բոլոր հանդիպումները, եթե ցանկանում ենք չեմպիոն դառնալ:
Թիմը գտնվում է լավ հոգեբանական վիճակում: Մենք կտեսնենք, թե ինչպես են զարգանում իրադարձությունները, ինչ դժվարություններ կստեղծեն մեր հակառակորդները»,- ասել է մարզիչը:
27 տուրից հետո «Բարսելոնան» 58 միավորով գլխավորում է Լա Լիգայի մրցաշարային աղյուսակը: «Ռեալը» երկրորդ տեղում է (56 միավոր): Մրցաշրջանը Իսպանիայում կվերսկսվի այս շաբաթ:
Սիրարփի Աղաբաբյան
