«Դժբախտաբար ունենք Կավասակիի սինդրոմի արձանագրված դեպք 4 տարեկան երեխայի մոտ, ով ունեցել է անախտանիշ կորոնավիրուսային հիվանդություն». Արսեն Թորոսյան

ՀՀ առողջապահության նախարար Արսեն Թորոսյանը ֆեյսբուքյան իր էջում գրել է.

«Դժբախտաբար ունենք Կավասակիի սինդրոմի արձանագրված դեպք 4 տարեկան երեխայի մոտ, ով ունեցել է անախտանիշ կորոնավիրուսային հիվանդություն:

Վերջին շրջանում տարբեր երկրներում նկատվել էր Կավասակիի սինդրոմով երեխաների հիվանդացության աճ, որը որոշ հետազոտողներ կապում էին կորոնավիրուսային հիվանդության համաճարակի հետ: Կավասակիի սինդրոմի պատճառագիտությունը ամբողջությամբ հայտնի չէ, սակայն այն հիմնականում կապվում է վարակիչ հիվանդությունների դեպքում դրդվող աուտոիմունային պատասխանի հետ: Այն հիմնականում հանդիպում է մինչև 5 տարեկան երեխաների մոտ:

Հաշվի առնելով միջազգային վիճակագրությունը, մենք կանխավ պահեստավորել էինք հատուկ այդ սինդրոմի բուժման համար նախատեսված թանկարաժեք իմունոգլոբուլինային դեղորայք:

Հուսամ փոքրիկը արագ կապաքինվի, նրա վիճակը բժիշկները գնահատում են միջին ծանրության:

‼️Մյուս բոլորին, թե’ մեծահասակներին, թե’ փոքրերին կոչ եմ անում խստորեն հետևել հակահամաճարակային կանոններին, այս ընթացքում տուրք չտալ միմյանց հետ սերտ շփվելու գայթակղությանը, միշտ կրել դիմակ, հաճախ լվանալ կամ ախտահանել ձեռքերը:

‼️Անհրաժեշտ է սահմանափակել բոլոր ոչ կենսական շփումները միմյանց հետ` վարակի փոխանցման շղթաները կոտրելու համար:

#ԿրիրԴիմակ #ՓրկիրԿյանքեր»:

https://www.facebook.com/ATorosyanOfficial/posts/1242774069242189?__xts__[0]=68.ARBxb_cfnF1B87qFQEE5gKS5w2-afDzYrHM1dEcY9cMLuWmQYsH86uF_aRAwzho49aV4artq5rKgOPa9PtXpBI09x_N6FOeCsewub3OjnJEFhDWaqYsbxJqaIVbxR2IYrSZE_sw4krMvFdWGo-SQc-8vYsamIksbar9B4OkGY3h8uUcDoyJJiN6wQ3qGneA6zRfE5LxDGqUHyd3i0UH5aY49ul6-HffEOxuVL1wxwCe0DFejIPr_y1neE6xdEeOH-uuOELZebCBaOaODSbZIA6Zv_3lNF01S1I-h-hG5X4QJSTgYhMn_A227NU4L3eXv0zp7HbjLoikPbNvX0qg4ow&__tn__=-R