Աթլետները ֆինանսական օգնություն կստանան միջազգային ֆեդերացիայից
Աթլետիկայի միջազգային ֆեդերացիան ֆինանսական աջակցություն կցուցաբերի մարզիկներին պանդեմիայի շրջանում: Այս մասին գրում է ֆեդերացիայի մամուլի ծառայությունը:
Միջազգային ֆեդերացիան հիմնադրամ է ստեղծել` օգնելու այն պրոֆեսիոնալ մարզիկներին, ովքեր ֆինանսական խնդիրներ ունեն կորոնավիրուսի պանդեմիայի շրջանում: Հիմնադրամի ֆոնդը կազմում 500 հազար դոլար:
Ապրիլի 24-ին հայտարարվեց, որ աթլետիկայի Եվրոպայի առաջնությունը չեղարկվել է կորոնավիրուսի պանդեմիայի պատճառով: Աթլետիկայի Եվրոպայի առաջնությունը նախատեսված էր անցկացնել Ֆրանսիայի մայրաքաղաք Փարիզում օգոստոսի 26-30-ը: Սակայն այն չի կայանա կորոնավիրուսի պանդեմիայի պատճառով:
