10 ոստիկանի մոտ կորոնավիրուս է հաստատվել, 5-ն արդեն բուժվել են. ՀՀ փոխոստիկանապետ
Նոր կորոնավիրուսով վարակման դեպքեր կան նաև Ոստիկանությունում. ասուլիսի ժամանակ ասաց փոխոստիկանապետ Հայկ Մհրյանը: Նրա խոսքով՝ ոստիկանների մի մասն արդեն առողջացել է:
«124 ոստիկան ինքնամեկուսացված է եղել, 30-ը՝ մեկուսացված: 20 ոստիկան թեստավորում է անցել, 10-ի մոտ հաստատվել է կորոնավիրուսը: 5-ն արդեն առողջացել են»,- ասաց Մհրյանը:
Փոխոստիկանապետը նաև տեղեկացրեց, որ նոր կորոնավիրուսի դեմ պայքարում ներգրավված հիվանդանոցներին միացել է նաև Ոստիկանության բժշկական վարչության հոսպիտալը, այն այժմ գործում է՝ իբրև ինֆեկցիոն հիվանդանոց: Այսօրվա դրությամբ այնտեղ բուժվում է 106 վարակակիր:
