Կենսաթոշակային ֆոնդերին վճարվող գումարը դադարեցնել կամ սառեցնել թույլ տալ չի կարելի. ԿԲ նախագահի թեկնածու
Հայաստանում 50 միլիարդ դրամի վարկ հետաձգվել է, և Կենտրոնական բանկը, որ մինչև ՀՀ-ում կորոնովիրուսի համաճարակն էր բանկերին տեղեկացրել, որ բավարարելու է բանկերի իրացվելիության խնդիրը, տված խոստումը կատարել է, սակայն, եթե կորոնավիրուսով պայմանավորված այս ճգնաժամը երկարեց կամ մտավ երկրորդ փուլ, ապա սպառողական վարկերը կարող են խնդիր դառնալ:
Այսօր Ազգային ժողովում ասաց Կենտրոնական բանկի նախագահի թեկնածու Մարտին Գալստյանը:
Ինչ վերաբերում է հարցին՝ արդյո՞ք պետք է կենսաթոշակային ֆոնդերին վճարվող գումարը դադարեցնել կամ սառեցնել, ապա, ըստ Գալստյանի, դա որևէ կերպ չի կարելի թույլ տալ, քանի որ այդ գումարն օգտագործվելու է հետագայում:
«Այդ միջոցները, որոնք կուտակվում են, մեր ապագա աճի համար են օգտագործվելու, և եթե լինեն երկարաժամկետ կայուն նախագծեր, ապա Կառավարությունը կարող է թողարկել պարտատոմսեր, իսկ այդ ֆոնդերը, դրանք ձեռք բերելով, անուղղակիորեն կֆինանսավորեն այդ նախագծերը»,- պարզաբանեց Գալստյանը:
Մանրամասները՝ տեսանյութում
