Քաղաքացին ավտոմեքենայով հարվածել է ճանապարհային ոստիկանության ավտոմեքենաներին և դիմել փախուստի
Փետրվարի 29-ին ժամը 00:25-ի սահմաններում «ՎԱԶ-2114» մակնիշի ավտոմեքենայի վարորդ, Ստեփանակերտ քաղաքի բնակիչ Մ. Գ.-ն, չենթարկվելով ԱՀ ոստիկանության ճանապարհային ոստիկանության ծառայողի՝ ավտոմեքենան կանգնեցնելու մասին օրինական պահանջին, Ստեփանակերտ քաղաքի Ազատամարտիկների փողոցի թիվ 35 շենքի դիմաց դիտավորությամբ հարվածել է ԱՀ ոստիկանության ՃՈ-ի «Հունդայի» մակնիշի ավտոմեքենային, այնուհետև հարվածել «Տոյոտա Կորոլլա» մակնիշի ավտոմեքենային և դիմել փախուստի:
«ՎԱԶ-2114» մակնիշի ավտոմեքենան հայտնաբերվել է Ազատամարտիկների-Վ. Մամիկոնյան փողոցների խաչմերուկում:
Մ. Գ.-ն բերվել է ԱՀ ոստիկանության Ստեփանակերտ քաղաքի վարչություն: Վերջինս ավտոմեքենան վարում էր առանց վարորդական իրավունքի:
Կատարվում են ստուգումներ:
ԱՀ ոստիկանությունը ևս մեկ անգամ կոչ է անում տրանսպորտային միջոց վարող քաղաքացիներին ենթարկվել ճանապարհային ոստիկանների օրինական պահանջներին և մշտապես հետևել ճանապարհային երթևեկության կանոններին:
ԱՀ ոստիկանություն
