![](/banners/BeFunky-design.jpg)
«Գրեմմի»-ի նախագահին աշխատանքից հեռացրել են մրցանակաբաշխությունից 10 օր առաջ
![](https://168.am/wp-content/uploads/2020/01/1001736.jpg)
Ձայնագրության արվեստի եւ գիտության ազգային ակադեմիայի գործադիր տնօրեն Դեբորա Դուգանին, որը նաեւ զբաղվում էր «Գրեմմի» երաժշտական մրցանակի կազմակերպմամբ, պաշտոնից հեռացրել են պարգեւների հանձնումից տասն օր առաջ: Այդ մասին հաղորդել է Variety-ն:
Որոշումն ընդունվել է պաշտոնեական լիազորությունների չարաշահման մեղադրանքների պատճառով: Կազմակերպության ներսում անցկացվում է անկախ հետաքննություն: Մինչեւ դրա ավարտը նախագահի ժամանակավոր պաշտոնակատար կդառնա հոգաբարձական խորհրդի նախագահ Հարվի Մեյսոն Կրտսերը:
Դուգանը Ձայնագրության արվեստի եւ գիտության ազգային ակադեմիայի առաջին կին նախագահն է դարձել 2019 թվականի օգոստոսին: Նա այդ պաշտոնն զբագեցրել է այն բանից հետո, երբ Նիլ Փորթնովը դրանից հեռացել է «եթե կանայք ցանկանում են ինչ-որ բանի հասնել, պետք է աշխատեն»՝ իր կոչի առնչությամբ ծայր առած սկանդալի պատճառով: «Գրեմմի»-ի հանձնման արարողությունը պլանավորված է հունվարի 27-ին, հաղորդել է ՌԻԱ Նովոստին: