Անդրանիկ Մարգարյանի հուշամրցաշարին մասնակցում են նաև ինդոնեզացիներ
Հայաստանի շախմատի ակադեմիայում մեկնարկել է Անդրանիկ Մարգարյանի հիշատակին նվիրված 10-րդ մրցաշարը:
Հուշամրցաշարի շրջանակում անցկացվում են շվեյցարական և շրջանային մրցաշարեր: Շվեյցարական մրցաշարին մասնակցում են 533 շախմատիստներ Հայաստանից, Արցախից, Ռուսաստանից, Վրաստանից և Ինդոնեզիայից:
Մրցաշարը կընթանա մի քանի տարիքային խմբերով: Շրջանային մրցաշարին մասնակցում են 10 շախմատիստ, այդ թվում՝ 3 գրոսմայստեր, 5 միջազգային վարպետ, 1 ՖԻԴԵ-ի վարպետ և 1 կանանց միջազգային վարպետ։
