Զիդանը՝ Պոգբայի հետ հանդիպման մասին

Մադրիդի «Ռեալի» գլխավոր մարզիչ Զինեդին Զիդանը մեկնաբանել է «Մանչեսթեր Յունայթեդի» կիսապաշտպան Պոլ Պոգբայի հետ հանդիպումը:

Հոկտեմբերին հավաքականների խաղերի համար կայացած ընդմիջման ժամանակ Զիդանը և Պոգբան հանդիպել են Դուբայում:

«Սա պարզապես պատահականություն էր, զուգադիպություն: Նա այնտեղ էր, և ես անում էի իմ գործը: Տեսնելով իրար՝ մենք խոսեցինք, բայց դա անձնական է: Ես չեմ ասի, թե ինչի մասին ենք խոսել: Մենք միմյանց վաղուց ենք ճանաչում: Մենք տեսանք իրար, կանգ առանք և խոսեցինք»,- ասել է Զիդանը:

Ավելի վաղ բազմիցս հաղորդվում էր, որ Զիդանը ցանկանում է տեսնել Պոգբային որպես «Ռեալի» խաղացող:

Մադրիդյան ակումբի նախագահ Ֆլորենտինո Պերեսը հունվարին քննարկում է «Տոտենհեմի» կիսապաշտպան Քրիստիան Էրիկսենի տրանսֆերային տարբերակը, սակայն ESPN-ի փոխանցմամբ՝ «Մանչեսթեր Յունայթեդի» կիսապաշտպան Պոլ Պոգբան շարունակում է մնալ առաջնային տարբերակ։

Զիդանը դեռ ցանկանում է ստորագրել Պոգբային: Մարզիչը համոզված չէ նախագահի խոսքերի ճշմարտացիությանը այն մասին, որ «Մանչեսթեր Յունայթեդը» հրաժարվում է վաճառել կիսապաշտպանին: Զիդանը կարծում է, որ ֆրանսիացի կիսապաշտպանը իսկապես ցանկանում է տեղափոխվել «Ռեալ»:

Սիրարփի Աղաբաբյան