Վենեսուելայում Սու-30 ինքնաթիռ է կործանվել. կան զոհեր
Վենեսուելայի կենտրոնական մասում կործանվել է երկրի ռազմաօդային ուժերի Սու-30 ինքնաթիռը, երկու օդաչուները զոհվել են: Այդ մասին հայտնել է Բոլիվարյան Հանրապետության պաշտպանության նախարարությունը:
«Վենեսուելայի նախագահ Նիկոլաս Մադուրոն կարգադրել է հանգամանալի հետաքննություն անցկացնել՝ պարզելու աղետի պատճառները»,-նշվում է տարածված հայտարարության մեջ:
Միջադեպը տեղի է ունեցել այն բանից քիչ անց, երբ ինքնաթիռը հոկտեմբերի 16-ի ցերեկը օդ է բարձրացել Մանուել Ռիոսի անվան ռազմակայանից, հաղորդել է ՏԱՍՍ-ը:
