«Մանչեսթեր Յունայթեդն» օգնում է Էվրային ստանալ մարզչական արտոնագիր
«Մանչեսթեր Յունայթեդի» նախկին պաշտպան Պատրիս Էվրան վերադարձել է ակումբ, որպեսզի ստանա մարզչական արտոնագիր:
«Չեմ կարող նկարագրել, թե ինչպես եմ հիմա ինձ զգում: Մարզչի համազգեստ կրելու հնարավորությունն ինձ դարձնում է ամենաերջանիկ մարդկանցից մեկը: Շնորհակալ եմ «Մանչեսթեր Յունայթեդին»՝ մարզչական արտոնագիր ստանալու հարցում օգնության համար», – գրել է ֆրանսիացին Instagram-ում:
Կարիերան ավարտելու մասին Էվրան հայտարարեց այս տարվա հուլիսին: «Մանչեսթեր Յունայթեդի» կազմում նա 5 անգամ նվաճել է Անգլիայի առաջնությունը, չորս անգամ՝ անգլիական Սուպերգավաթը, և մեկ անգամ ՝ Չեմպիոնների լիգան:
https://www.instagram.com/p/B2PNgc6oyDU/?utm_source=ig_embed
Պատրաստեց Անի Գաբուզյանը
