100 տոկոս՝ կես ժամում. Samsung-ը ստեղծում է սմարթֆոն` գրաֆենե մարտկոցով

Լիթիումիոնային մարտկոցները թույլ են տալիս մեկուկես ժամվա ընթացքում ամբողջությամբ  լիցքավորել սմարթֆոնները, եթե սարքն օգտագործում է արագ լիցքավորում: Գրաֆենի մարտկոցը կարող է նվազեցնել այս ցուցանիշը մինչև 30 րոպեի:

Հաջորդ երկու տարում Samsung-ը նախատեսում է թողարկել սմարթֆոն` նոր տեսակի մարտկոցով, որը պատրաստված է գրաֆենով` մեկ ատոմի հաստությամբ գրաֆիտային շերտով: Այս մասին հայտնել է ինսայդեր Էվան Բլասն իր թվիթերյան էջում:

«Ինչպես ինձ ասացին, Samsung-ը հույս ունի թողարկել առնվազն մեկ գադջետ, որը կգործի գրաֆենի մարտկոցով 2020 կամ 2021 թվականներին»,- գրել է Բլասը:

Այժմ արտադրողին անհրաժեշտ է հասնել ճիշտ հավասարակշռության սարքի հզորության և դրա արտադրության համար ավելի ցածր ծախսերի միջև:

Գրաֆենն էլեկտրականությունը փոխանցում է 100 անգամ ավելի արդյունավետ, քան պղինձը: Բացի այդ, նոր մարտկոցներում էներգիայի փոխանցման արագությունը 140 անգամ ավելի բարձր է, քան սիլիկոնը, ինչը գրաֆենը դարձնում է իդեալական նյութ արագ լիցքավորման համար:

2004 թվականին ցուցադրվեց գրաֆենի առաջին շերտը, դրանից հետո մասնագետներն անում են ամեն բան՝ այս տեխնոլոգիան զարգացնելու և մասսայական թողարկելու համար:

Գրաֆենը համարվում է ածխածնի (կամ պինդ նյութի) միակ ձևը, որի ամեն մի ատոմ քիմիական ռեակցիայի համար հասանելի է երկու կողմերին: Գրաֆենի շերտի եզրերում ատոմներն ունեն հատուկ քիմիական ակտիվություն: Շերտի թերությունները մեծացնում են քիմիական ակտիվությունը:

Գրաֆենն այրվում է շատ ցածր ջերմաստիճանում (օրինակ՝ 350°C(620Կ)): Սթենֆորդի համալսարանի քիմիկոսները 2013 թվականին հաղորդեցին, որ միաշերտ գրաֆենում քիմիական ակտիվությունը 100 անգամ ավելի շատ է, քան հաստ շերտում:

Samsung-ը հայտարարել էր գրաֆենային մարտկոցների մշակման մասին դեռևս 2017 թվականին: Այնուհետև ընկերությունն ասաց, որ այս տեխնոլոգիան կնվազեցնի մարտկոցի լիցքավորման ժամանակը մինչև 12 րոպե:

Սիրարփի Աղաբաբյան