Երևանի Սունդուկյան փողոցի տներից մեկում գազի արտահոսք է եղել՝ հրդեհի բռնկմամբ
Հուլիսի 13-ին՝ ժամը 16:22-ին, «911» ծառայությանն ահազանգ է ստացվել, որ Երևան քաղաքի Սունդուկյան փողոցի թիվ 19 շենքի բնակարաններից մեկի գազի բալոնից առկա է արտահոսք՝ հրդեհի բռնկմամբ։
Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 16:40-ին, մարվել՝ 16:45-ին:
Այրվել է գազի բալոնից (3 կգ) արտահոսած գազը. տուժածներ չկան:
