Գյումրու կայարանի մոտ գնացքի վրաերթին ենթարկված քաղաքացին մահացել է
ՀՀ արտակարգ իրավիճակների նախարարության «911» ծառայությունը հուլիսի 12-ին, ժամը 19:46-ին ահազանգ է ստացել, որ երկաթգծի 2725-րդ կմ-ին՝ Բայանդուր-Գյումրի հատվածում, Գյումրի քաղաքի կայարան մտնելիս գնացքը վրաերթի է ենթարկել մոտ 60 տարեկան կնոջ. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, պարզվել է, որ Գյումրի կայարանի սկզբնամասում գնացքը վրաերթի է ենթարկել Ս.Խ.-ին (ծնված 1952 թ.). քաղաքացին տեղում մահացել է:
Նախարարությունը կտրամադրի լրացուցիչ տեղեկություն:
