Դեմբելեն կրճատել է արձակուրդը՝ ակումբի վստահությունը վերականգնելու համար
«Բարսելոնայի» կիսապաշտպան Ուսման Դեմբելեն ընդհատել է իր արձակուրդը:
22-ամյա կիսապաշտպանը ժամանել է Բարսելոնա և նախատեսվածից մեկ շաբաթ շուտ սկսել է պատրաստվել մրցաշրջանին:
Դեմբելեն նաև խնդրել է ակումբին՝ տրամադրել իրեն մարզիչ նոր մրցաշրջանին պատրաստվելու համար:
Ավելի վաղ ֆրանսիացին հայտնել էր իր ցանկությունը՝ մնալու կատալոնական ակումբում:
Նշվում էր, որ Դեմբելեն կարող է դառնալ Նեյմարի գործարքի մի մասը և հեռանալ թիմից: Սակայն կատալոնական ակումբի ներկայացուցիչները խոսել են ֆուտբոլիստի հետ և ասել, որ վստահում են նրան: Բարտոմեուն ապագայի լուրջ ծրագրեր ունի՝ կապված Դեմբելեի հետ: Ակումբի ներկայացուցիչները դա տեղեկացրել են 22-ամյա հարձակվողին և նրա շրջապատին:
Արձակուրդից շուտ վերադառնալով՝ Դեմբելեն ակնարկել է ակումբի ղեկավարությանը, որ նախորդ մրցաշրջանի պահվածքը չի կրկնվելու, և ինքը լրջորեն պատրաստվում է վերադառնալ թիմ:
Նշենք, որ Դեմբելեն պարբերաբար ուշանում էր մարզումներից, չէր հետևում թիմի կարգապահական նորմերին:
Սիրարփի Աղաբաբյան
