Եռացատկորդ Լևոն Աղասյանը Համաշխարհային ուսանողական խաղերի եզրափակիչում է
Ջրացատկորդ Վլադիմիր Հարությունյանը Նեապոլում ընթացող համաշխարհային Ուսանողական 30-րդ խաղերում զբաղեցրել է 9-րդ հորիզոնականը:
Այս մասին հայտնում է ՀԱՕԿ-ը: Տղամարդկանց աշտարակացատկի 10 մետր մրցմանը 21-ամյա Վլադիմիր Հարությունյանը հաջողությամբ հաղթահարել էր որակավորման փուլի արգելքն ու դուրս եկել կիսաեզրափակիչ փուլ, որտեղ 357,80 ցուցանիշով գրավել էր 10-րդ տեղն ու իրավունք էր ստացել հանդես գալ եզրափակիչում; Արդյունքում 358,20 միավորով զբաղեցրել է 9-րդ հորիզոնականը:
Եզրափակչի ուղեգիր է նվաճել նաև 24-ամյա եռացատկորդ Լևոն Աղասյանը:
Նա 30 եռացատկորդների պայքարում որակավորման փուլում գրանցել է 16մ 27սմ ցուցանիշ ու գրավել 4-րդ տեղը:
Աղասյանը եզրափակիչում պայքարելու է 12 ուժեղագույնների հետ:
Եզրափակիչը կկայանա հուլիսի 10-ին:
