Շիկահող և Սրաշեն գյուղերի միջնամասում այրվել է մոտ 24 հա բուսածածկույթ. կան ծխացող օջախներ
Հուլիսի 9-ին, ժամը 10:30-ին «911» ծառայությանը տեղեկություն է հաղորդվել, որ նշված տարածքում կան ծխացող օջախներ:
Տեղում հերթապահություն են իրականացնում անտառտնտեսության աշխատակիցները և համայնքապետը:
Դեպքի վերաբերյալ կտրվի լրացուցիչ տեղեկություն:
***
Հուլիսի 8-ին, ժամը 12:30-ին «911» ծառայությանն ահազանգ է ստացվել, որ Սյունիքի մարզի Շիկահող և Սրաշեն գյուղերի միջնամասում այրվում է խոտածածկ տարածք։
Դեպքի վայր են մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ և մարզային փրկարարական վարչության օպերատիվ խումբը:
Պարզվել է, որ այրվում է մոտ 24 հա բուսածածկույթ:
Հրդեհը մեկուսացվել է ժամը 20:50-ին:
Ժամը 21:12-ին մթության պատճառով հրդեհաշիջման աշխատանքները դադարեցվել են:
Հրդեհաշիջման աշխատանքներին մասնակցել են նաև «Հայանտառ» ՊՈԱԿ-ի Կապանի մասնաճյուղի 12 և «Զանգեզուր կենսոլորտային համալիր» ՊՈԱԿ-ի 15 աշխատակից:
