Իրանի ԱԳՆ-ն Ջիբրալթարում նավի կալանավորման պատճառով հրավիրել է Մեծ Բրիտանիայի դեսպանին
Մեծ Բրիտանիայի դեսպան Ռոբերտ Մաքերին հրավիրվել է Իրանի արտաքին գործերի նախարարություն՝ Ջիբրալթարում իրանական նավթատար նավի կալանավորման պատճառով: Ինչպես տեղեկացնում է «ՌԻԱ Նովոստի»-ն, այս մասին «Թվիթեր»-ի իր էջում գրել է Իրանի ԱԳՆ-ի ներկայացուցիչ Աբաս Մուսավին:
«Մեծ Բրիտանիայի ռազմածովային ուժերի կողմից Ջիբրալթարի շրջանում իրանական նավթատար նավի անօրինական կալանավորումից հետո Թեհրանում Մեծ Բրիտանիայի դեսպանը հրավիրվել է ԱԳՆ»,- գրել է Մուսավին:
