«Եթե ես հիմա ծառայում եմ, աշխատում եմ որպես արդարադատության նախարար, հետևաբար՝ կառավարությունը գոհ է իմ կատարած աշխատանքից»
«Եթե ես հիմա ծառայում եմ, աշխատում եմ որպես արդարադատության նախարար, հետևաբար՝ կառավարությունը գոհ է իմ կատարած աշխատանքից»,- այսօր ԱԺ-ում լրագրողների հետ զրույցում հայատարարեց ՀՀ արդարադատության նախարար Արտակ Զեյնալյանը՝ մեկնաբանելով իր պաշտոնանկության և իր աշխատանքից դժգոհ լինելու մասին լուրերը:
Ըստ նրա՝ նաև ընդդիմադիր կուսակցության ներկայացուցիչներն են դրվատում իր ծառայության ոլորտներից մեկը:
«Չափազանց մեծ աշխատանք է կատարվում, բոլոր իրավական ակտերը անցնում են արդարադատության նախարարության պրիզմայով, ֆիլտրով»,- ասաց Ա.Զեյնալյանը՝ հավելելով, որ այդ աշխատանքը կատարվում է ժողովրդավարական սկզբունքների պահպանմամբ:
Նրա խոսքով՝ այդ գործընթացը ժամանակ է պահանջում և իրենց առաջընթացի ժամկետները տեղավորվում են օրինականության շրջանակներում:
